Hortelano open chessfest gitakda sa Nobiyembre 7-8
CEBU, Philippines - Dul-an sa P10,000 nga ganting salapi ang giandam sa B.C. Hortelano Open Chess Tournament nga gikatakda sa Nobiyembre 7-8 diha sa Deep Blue Chess Club sa second floor sa SM City-Cebu.
Ang mokampiyon sa 7-round Swiss system competition mouli bitbit ang P3,000, ang second placer makadawat og P2,000, samtang ang third placer mobulsa og P1,000.
Ang fourth ug fifth placers makaangkon og P800 ug P600.
Mopahiluna gikan sa ikaunom hangtod sa ika-10 nga dapit makadawat og consolation prize nga P400, ang ika-11 hangtod sa ika-16 hatagan og P300 ug ang 17th hangtod sa 20th placers makaangkon og P200.
Aduna kini registration fee nga P150.
Alang sa dugang pa nga mga kasayoran, mahimong mokontak ni FIDE Arbiter Marvin Y. Ruelan sa 0926-7352951. (BANAT PALARO)
- Latest
