Cotto daog via TKO
CEBU, Philippines - Gipakita ni Puerto Rican legend Miguel Cotto nga layu pa ang panahon sa iyang pagretiro dihang iyang gikulata si Delvin Rodriguez sa Dominican Republic sa third round sa ilang sangka kagahapon didto sa Amway Arena sa Orlando, Florida.
Ang 32-anyos nga si Cotto agresibo nga miatake dihang gipauwanan niya og kinumo si Rodriguez nga gitapos og usa ka bangis nga right hook nga maoy mipatumba sa Dominican Republic boxer.
Si Cotto kanhi gipilde ni Manny Pacquiao, apan ning higayuna maisip na siya nga stablemate sa Filipino boxing superstar human usab siya mibalhin sa Wild Card Gym ni Hall-of-Famer trainer Freddie Roach.
Napulo ka buwan na ang milabay human katapusang miaway si Cotto diin napilde siya ni American Austin Trout, gipamatud-an ni Cotto nga daku pa ang iyang potensyal nga subling mahimong world champion ubos sa giya ni Roach.
Sa maong kadaugan si Cotto mipalambo sa iyang record ngadto sa 38-4, 31KOs, samtang si Rodriguez nakahiagum sa iyang ikapitong pilde sud sa 35 ka away. (BANATSPORTS)
- Latest
