X-Mass Olympic Crown Regency cagefest sugdan na

CEBU, Philippines -  Pormal na nga sugdan ang 1st X-Mass Olympic Crown Regency Basketball League sa Lapu-Lapu City.

 Sa naandan, usa ka parada sa mga partisipanteng koponan ang ipahigayon sulod sa Metro Sports Convention Center sa Crown Regency sa maong dakbayan.

 Sugdan ang parada sa alas-10 sa  buntag ug dayon isunod ang programa.

 Molamas sa opening ceremonies mao ang pagpili og "best muse" ug "best in uniform."

 Unom ka departamento  mopakita'g aksiyon ning labing unang kalihukan nga naglakip sa Engineering,  Security, Food and Beverage, Kitchen, Housekeeping ug Concierge.

 Gipasiugdahan kini ni Renato Calelero uban nilang Sammy Altura, Florimon Paguidopon, Erwin Clavano, Leesam Galendo, Audry Castro ug sa JB  Sportswear ni Billy Nadado. (BANAT NEWS)