CEBU, Philippines - Pabilin nga Ultimate Fighting Championship (UFC) light heavyweight champion si John ‘Bones’ Jones human siya midaog pinaagi sa unanimous decision sa usa ka kulbahinam nga sangka batok sa Swedish nga si Alexander ‘The Mauler’ Gustafsson kagahapon didto sa Canada.
Gamit ang iyang abilidad sa boxing, nakahimo si Gustafsson pagpaigo sa iyang mga solidong tira ngadto ni Jones kinsa wala kaayo makagamit sa iyang abilidad sa wrestling tungod usab sa kalihuk sa Swedish Mixed Martial Arts fighter.
Hinuon, bisan pa sa gisi sa iyang tuong kilay daling nakahimo og adjustment si Jones ug gamit iyang mga hait nga siko ug patid, iyang naparugi si Gustafsson sa fourth round.
Wala karekober si Gustafsson sa katapusang round ug nakita nga naluya na kini nga mao usab ang gipahimuslan ni Jones nga padayung mimakmak sa Swedish fighter hangtud nga natapos ang round.
Tulo ka mga judges ang mihatag og 48-47, 48-47 ug 49-46 tanan pabor ngadto ni Jones kinsa wala pay pilde sud sa napu ka sunod-sunod niyang away.
Bukas usab ang 25-anyos nga Amerikano sa posibilidad nga makig-rematch pag-usab ni Gustafsson nga iyang giila nga maoy usa na sa labing lisud niyang kontra.
“This is by far my toughest fight,†matud pa ni Jones sa Associated Press.