CEBU, Philippines - Gikatakda na ugma ang pormal nga pagbukas sa "Ibabao-Estancia Barangay Captain's Cup 2013" basketball and volleyball tournament diha sa ilang bag-ong multi-purpose gym sa dakbayan sa Mandaue.
Sugdan ang kalihukan pinaagi sa naandan nga parada sa mga partisipanteng koponan nga molibot sa mga kadalanan nga sakop sa maong barangay sa dili pa molahos sa Ibabao-Estancia Multi-Purpose gym diin didto ipahigayon ang opening ceremonies.
Si Mandaue City Mayor Hon. Jonas C. Cortes gilauman nga motambong sa kalihukan ug gipaabot nga
mohatag sa iyang mensahe uban ni Ibabao-Estancia Brgy. Capt. Carmelino C. del Mar Jr. ug SK chairman Jake E. del Mar.
Adunay walo ka koponan ang mopakita'g aksiyon ubos sa 12-under, 15-under, juniors, seniors ug 40-above divisions.
Kini naglakip sa Bayabas-Lemon, Pajo, Sambag-Nangka, Macopa, Tambis, Papaya-Mangga, Bayabas-
Ternate ug Lomchikay.
Gipaabot sab motambong sa opening ceremonies ang mga konsehales ni del Mar nga silang Jesus Barz,
Renato Yuson Jr., Pablo Gallego, Diosdado Ygay Jr., Jonathan dela Peña ug Elena Rodriguez. (BANAT PALARO)