CEBU, Philippines - Impresibong kadaugan ang misugat sa Ynah Brokers ug sa Petracorta-Rollway atol sa pagbukas sa 3rd Cebu International Port Users (CIPU) niadtong Septiyembre 5 didto sa Benedicto College gym sa dalan A.S. Fortuna, dakbayan sa Mandaue.
Ang Ynah Brokers nga gipalig-onan ni Tata Laborte milubong sa Cebu Portmen nilang Mactan Collector Bingo Matugas ug Customs police Boodie Monteño sa iskor nga 78-66, samtang ang Petracorta-Rollway midaog batok sa Global Carrier, 64-55.
Gipangulohan ang Ynah Brokers nilang Tonton Peras, Insik Guardiano, Mike Amistoso ug Laborte nga pulos miiskor og double figures.
Si Ronan Cañete mao usab ang nangu sa Portmen sa iyang 18 puntos, gisundan nilang Matugas ug Ferdie Laraga nga adunay 10 puntos matag usa.
Sa laing bahin, walay nakapiog sa ilawom kang Limasawa island journeyman Takloy Moral, kinsa mibahog og 14 puntos aron pangulohan ang Petracorta-Rollway, samtang silang Francis Palero ug Reden Villaronza miabuno og 13 puntos matag usa.
Ang kanhi sentro sa CIT Wildcats nga si Ramil Aniñon maoy nangu sa Global Carrier sa iyang 19 puntos, si Kenneth Maningo miamot og 10 puntos.
Puntos matag usa
Unang duwa:
Ynah (78) - Peras 17, Guardiano 14, Amistoso 12, Laborte 11, Ju. Garcia 5, Tecson 4, Villarin 2, Oporto 2, Gorenz 1
Customs Portmen (66) - Cañete 18, Matugas 10, Laraga 10, Monteño 9, Tan 7, Mose 5, Rama 2, Manahan 2
Ikaduhang duwa:
Petracorta-Rollway (64) - Moral 14, Palero 13, Villaronza 13, Petracorta 8, Urbina 7, Tarona 6, Palad 2, Solidarios 1
Global Carrier (55) - Aniñon 19, Maningo 10, Miscala 6, Diaz 6, Lahaylahay 4, Manulat 3, Cedeño 3, Caynilla 2, Banghal 2 (BANAT NEWS)