Walay kantyaway
Niadtong Agosto 31 nakatan-aw ko'g "Ground and Pound Championship VII: Resolution" nga gipasiugdahan sa Yaw-Yan Ardigma pinangulohan sa atong higala nga si Master Ekin Cañega.
Midaog sa main event ang labing unang GNP heavyweight champion sa pagkatawo sa Briton nga si Cris
Thompson 'Lindol' Brooks nga milupig sa mas gamay ug mas batang Davaoeño nga si Lloyd Abucayan nga medalist sa
national judo competitions kaniadto.
Wala hinuon mosalir si Abucayan sa mas daku nga si Brooks, kinsa migamit sa iyang bentaha sa reach
pinaagi sa paglabay og mga mahait nga jabs ug uppercuts sa kilid ni Abucayan.
Daan na ko nga naka-obserbar nga kun molabay lang og jabs si Brooks maglisud si Abucayan pagduol
kaniya. Gani maglisud gyud si Abucayan sa pagpatumba kang Brooks tungod sa gidak-on, gibug-aton ug sa height sa
Briton nga nagbasi na dinhi sa Sugbu ilawom sa Yaw-Yan Ardigma.
* * *
Apan duna lang ko'y wala kaayo mauyoni sa maong torneyo, kay kinaiya na gyud nato nga mga Filipino ang
moabiba sa atong tagsa-tagsa ka mga manok. Ato untang ipaagi sa minaayo.
Hangyo lang nato sa mga parehas natong mahiligon og sports ilabi na niining mga full-contact sports, nga kun
mahimo abiba lang sa inyong manok, ayaw na apili og mga foul nga "kantiyaw."
Dili man gud maayo paminawon ilabi na kun ang makadungog niini mao ang mga mahal sa kinabuhi sa fighters.
Dili lalim ang mosaka sa ibabaw sa ring aron mo-compete, mas labaw nga dili lalim kun maigo na ka sa mga
kumo ug patid ug sakit pa gyud kaayo paminawon kun dunay mokantiyaw gikan sa mga audience.
Sa kadtong mga martial artist didto (pipila nila atong nakita) nga miapil sa pagbugal-bugal ug kantiyaw sa mga
fighters , gianugonan ko sa inyong nakat-onan sa martial arts tungod kay nagpakita lang mo nga wala mo'y disiplina!
Samtang kadtong mga MMA "wannabes" pero hadlok mosaka sa ring ug wala gyud mosuway og praktis niini,
tan-awa inyong kaugalingon o inyong igsuon, anak ug amigo sa lugar sa mga fighters nga inyong gibugal-bugalan, nindot
kaha mo paminawon?
* * *
I-congratulate diay nako si Master Ekin sa kalampusan sa iyang torneyo ug ingon man sa mga nakadaog lakip
na sa atong kauban dinhi sa Banat News nga si Lemuel Maglinte nga midaog sa maong MMA bout.
Ug alang niadtong mga napilde, ayaw kabalaka tungod kay kun gimahal ninyo ang maong sport, constant
practice ra gyud ang inyong solusyon niana ug dili ang style o disiplinang inyong gipili.
* * *
PAGTULON-AN: Batasana pagbutang sa imong kaugalingon sa lugar sa uban una ka mobuhat og bati
kanila.
* * *
- Latest
