DePP gilihian og daog

CEBU, Philippines -  Midaog dayon ang Defense Press Corps (DePP) dihang ilang gipilde ang undermanned   nga Sportswriters

Associaton of Cebu (SAC), 71-63 pagbukas  sa 2013 Press Freedom Cup kagahapon didto sa Chiang Kai Shek

gymnasium sa Cebu Eastern College (CEC).

 Naglisud sab hinuon ang DePP pag-ugkat og daog tungod kay ang SAC nga aduna lamay unom ka players

miduwa gahi kaayong tumbahon.

 Ang DePP maoy mikontrolar sa duwa diin miposte sila'g 11 puntos sa halftime, 35-24, apan miapas ang SAC

ug gani nailog pa nila ang labaw, 45-43 sa nahabiling 2:34 sa third period

 Tungod sa kanihit og players, ang SAC nadutlan og kaluya  nga maoy gipahimuslan sa DePP nga miarangkada

sa final period aron makuha ang daog.

 Si Gabriel Bonjoc maoy topscorer sa DePP sa iyang 21 puntos, gisundan ni Jun Solon nga adunay 12 puntos.

 Ang SAC gipangulohan ni Jonas Panerio nga miburak og 28 puntos, samtang sila si Edri Aznar ug Lemuel

Maglinte nagkumboya og 23 puntos.

PUNTOS MATAG USA

 Depp (71) - Bonjoc 21, Solon 12, Bayking 9, Aragon 8, Obeso 6, Españo 2, Melecio 2, Bautista 2

 SAC (63) -  Panerio 28, Aznar 12, Maglinte 11, Rosal 10, Banaynal 4, Rosaroso 3 (BANAT NEWS)