USPF, USJ-R pabiling walay pilde sa 13th CESAFI volleyball event

CEBU, Philippines - Nagpabiling walay pilde ang University of Southern Philippines Foundation (USPF) ug ang  University of San Jose-Recoletos (USJR) spikers sa men's volleyball event sa 13th Cebu Schools  Athletic Foundation Inc. (CESAFI) kagahapon didto sa University of San Carlos (USC) gym sa dalan Sanciangko.

 Wala maglisud ang USPF pagkutlo og daog dihang yano kaayo nilang gipilde ang Cebu Doctors' University

(CDU), 25-4, 25-11, 25-7 aron makigsawo sa overall lead uban sa USJ-R nga milansang sab sa ilang ikaupat nga daog

pinaagi sa pagpukan sa Southwestern University (SWU), 25-19, 25-10, 25-23.

 Sa laing  collegiate  match, ang University of the Visayas (UV) midaog na gyud human gipilde ang host USC,

25-22, 25-19, 25-22.

 Sa secondary division, ang USJ-R midaog sab batok sa kanhi walay pildeng USPF boys sud sa duha ka sets,

25-16, 25-14, samtang ang USC mipukan sa Don Bosco Technology Center (DBTC), 22-25, 25-8, 25-8.

 Karong buntag, ang Cebu Institute of Technology-University (CIT-U) makigsangka sa University of Cebu

(UC) ug ang USPF makiglayog sa Sacred Heart School-Ateneo de Cebu (SHS-AdC) sa secondary girls.

 Inig hapon mao ang women's collegiate action diin ang CDU makigbatok sa UC, samtang ang SWU Lady

Cobras nga seguro na sa semis, laraw moposte'g 5-0 sweep dihang ilang sangkaon ang USPF sa katapusang duwa karong  adlawa.  (BANAT NEWS)