UV Intrams 2013 mosikad karon
CEBU, Philippines - Moulbo na ang 2013 Intramurals sa University of the Visayas karong adlawa diha sa UV quadrangle
Sa tema nga "Visayanians: Caring and Protecting the Environment through Sports, Academic and Literary Competitions," ang tinuig nga UV Intrams sugdan sa usa ka Santos nga Misa sa alas-7 sa buntag sa Teresita Square.
Human sa Santos nga Misa, isunod dayon ang parada sa mga partisipanteng koponan gikan sa nagkadaiyang college departments.
Si Cebu First District Representative Gerald Anthony 'Samsam' V. Gullas Jr. mohatag sa iyang inspirational message. Si Gullas nga maoy UV Assistant Vice President for Finance mao usab ang pormal nga modeklarar sa pagbukas sa kompetisyon.
Ang Filipiniana Dance Troupe ubos ni Angelo Manapsal mohimo sa ilang pasundayag, samtang ang Visayanians Drum and Bugle Corps ubos ni Angelo Vega mopakita sa ilang fancy drill.
Laing highlight sa opening ceremony mao ang pagpili sa Mr. and Ms. Intramurals 2013.
Isunod sab dayon ang mga ball games dungan sa News Writing and Photo contest, Pop Dance competition, UV Green Revolution 2013 ug Break through concert sa University quadrangle.
Lakip sa mga sporting disciplines nga tigian mao ang basketball, volleyball, table tennis, badminton, karatedo, scrabble, chess ug Pinoy games. (BANAT NEWS)
- Latest
