Tormis daog tulo ka titulo

CEBU, Philippines - Mikawat og salida si Dannel Jay Tormis human miiskor og tulo ka daog sa 22nd Erne Jawad Memorial Table

Tennis Cup niadtong weekend didto sa Cebu  City Sports Center.

  Si Tormis sa University of Cebu (UC) mipukan sa iyang teammate nga si Val  Stephen Jaca sa men's open

final, 3-1.

 Siya usab ang naghari sa boys 18 category ug maoy nangulo sa kalampusang kampanya sa UC sa men's team

competition diin ilang gipukan ang Jason Rodriguez-led Hua Ching ug ang Mark Jimenez-skippered  Lopue Table Tennis

Association (LOPTTA) sa Bacolod City.

 Haw-ang hinuon ang pagselebrar sa kadaugan ni Tormis kay ang iyang igsuong babaye nga si Elona Dane

gipalagpot sa trono sa women's division ni Emy Rose Dael sa LOPTTA.

 Si Dael mirehistro sab og duha ka daog dihang siya ang miangkon sa korona sa girls 18 division human niya

gipilde si Athena Comaingkin sa UC.

 Sa laing bahin, si Eljey Tormis nidominar sa boys 13 category pinaagi sa pagpilde ni DJ  Cabrillo. Si John Carl

Aquino miangkon sa ikatulo.

 Sa girls 13, ang Bacoleñong table tennis players gikan sa LOPTTA mihimo'g clea sweep kortesiya nilang

Angela Borbon, Allysa Toleco ug Edria Gargania.

 Ang Sugbuanong si Richard Gonzales, usa sa labing maayong laki nga table tennis players sa nasud wala

mosalmot sa men's open. Inay didto kini mipakita'g sa iyang abilidad sa liha event diin yano kaayo siyang midaog batok ni

Glenn Jacalan ug Tata Carreon nga mipahiluna sa ikaduha ug ikatulo nga dapit. (BANAT NEWS)