Silva vs Mayweather?

Taas kaayo ang atong pagbakasyon mga Tirador! Karon mobalik kita sa atong naandan nga iskedyul sa TIRA BINTA!

 Daghang mga pangutana kun unsa gyu'y mas epektibo, boxing o Mixed Martial Arts? Ang duha maoy nag-

unang labing init nga sports karon.

 Dili kalikayan nga dunay mga kiatan og mga huna-huna nga nangutana kun unsa kaha og abuton sila si kanhi

UFC middleweight champion Anderson Silva ug ang undefeated boxer nga si Floyd Mayweather Jr.?

 Sa usa ka interbyu sa TV show sa Amerika , ang host nga si Sway Calloway sa "Sway in the Morning" show

nangutana ni legendary UFC fighter nga si Silva kun unsay iyang panahom sa umaabot nga away nila ni Saul Alvarez ug

Mayweather Jr. karong Septiyembre 14.

 Ang tubag ni Anderson nakapakatawa sa "audience" kay daw wala siya makadungog sukad sa pangalan ni

Mayweather. Gitawag pa niya si Mayweather nga "Papa Smurf."

 Miaslom ang pagtan-aw ni Silva kang Mayweather human ang naulahi mitubag sa usa ka interbyu nga wala

siya makaila ni Silva. Ang interbyu bahin sa resulta sa away ni Silva ug Chris Wiedman sa UFC 162. Si Silva napilde sa

maong sangka. So, sa ato pa, mibawos lang si Silva.

 Nindot gyud hinuon abuton ning duha sa usa ka bugno, apan ang pangutana asa kaha nga arena? Boxing ring o

Octagon?

 Ang duha managlahi og disiplina, boxer ug mixed martial artist. Sa akong tan-aw matagna lang nato kun kinsay

mogawas nga mananaog sa duha kun kang kinsa nga ruweda duwaon ang sangka.

 Pruyba niini ang mga nangaging pagsuway og taak sa mga boxers sa kalibotan sa MMA. Ang mga boxers

nagtuong madala nila ang ilang knocking power sa octagon, apan kadtong nanulong sa MMA nga armado lang sa maong

pagtuo, napakyas ug naleksiyon.

 Usa sa ehemplo niini mao ang pagsulong ni kanhi IBA ug NABO heavyweight champion James "Lights Out"

Toney sa UFC ug gihagit si UFC legend Randy Couture.

 Ang heavy puncher nga si Toney maoy napagngan sa paglaom sud lang sa usa ka round, Wala manimaho ang

iyang 72-6-3 pro-boxing record batok kang Couture nga midemolis kaniya sud lang sa 3:19 minutos sa unang round.

 Bisan usa ka jab wala makalabay si Toney human siya giyak-an ni Couture pagbagting pa lang sa kampanilya.

 Laing heavyweight champion usab ang misuway sa kickboxing ang nakaamgo usab nga gawas lang sa boxing,

ang knocking power sa usa ka fighter dili lang maoy angay saligan.

 Si kanhi world heavyweight champion Riddick Bowe gikulata lang sa usa ka mas gamay nga Russian Muay

Thai kickboxer didto sa Thailand dili pa lang dugay.

 Mao unta kadto ang pangpabwena-manong sangka ni Bowe sa plano niyang comeback fight sa iyang boxing

careers human siya moretiro niadtong 2008.

 Nakaatbang niya si Russian Levgen Golovin sa usa ka Mixed Martial Arts match, ug sa edad nga 45 wala nay

ikabuga si Bowe sa mas batan-ong Russian. Lima ka higayon nga natumba si Bowe sa pag-atake sa patid hangtud nga

wala na makabarog si Bowe tungod sa kasakit sa iyang mga batiis nga maoy gimakmak og patid.

 Apan atong balihon, unsa kaha kun ang mga mipildi nila nga MMA fighters mao say manulong sa ring diin

maghari sila si Toney ug Bowe?

* * *

 PAGTULON-AN: There is no such thing as superior martial arts; only superior warriors- BUSHIDO

TEACHINGS