USC mo-host sa UC

CEBU, Philippines -  Ang University of  San Carlos (USC) Warriors mo-host sa University of Cebu (UC) Webmasters uban ang paglaum nga mokulit sa usa ka importante nga kadaugan nga maoy mosuta sa ilang seeding atol sa quarterfinal round sa 13th Cebu Schools

Athletic Foundation Inc. (CESAFI) basketball tournament nga motapon didto sa USC gym sa dalan Sanciangko.
 
MGA DUWA KARON
(USC gym)
1:00 pm
 DBTC vs. USC (jrs.)
2:45 pm
 USJ-R vs. USPF (jrs.)
4:00 pm
 USJ-R vs. USPF (srs.)
6:15 pm
 USC vs. UC (srs.)

Sayo karong hapon, ang University of San Jose-Recoletos (USJ-R) Jaguars, kinsa nagkaduol sa ilang laraw pag-abante sa quarterfinal round makigtakus sa University of Southern Philippines Foundation (USPF) Panthers.

Sa laing bahin, nindot sab ang mga duwa sa juniors division karong adlawa diin ang  USJ-R Baby Jaguars makigbatok sa  UC Junior Webmasters, samtang  ang USC Baby Warriors gipaabot nga mohipos og sayon nga kadaugan batok sa  walay daug-daog nga Don Bosco Technology Center (DBTC) Greywolves.

Ang Warriors ug Jaguars kasamtangang nagtabla sa managsamang 2-2 win-loss records ug kun modaog sila karon batok sa tagsa-tagsa nila ka kaatbang, magsangka sila alang sa solo third place sunod semana.

Sa laing bahin, ang University of the Visayas (UV) Green Lancers mitapos sa ilang duwa sa elimination round uban ang 82-68 nga kadaugan batok sa Cebu Institute of Technology-University (CIT-U) Wildcats niadtong Huwebes sa gabii.