CEBU, Philippines - Gidominar nilang Christy Sevilleno-Tutor ug Michael Largo ang tagsa-tagsa nilang ka dibisyon sa 5K open category sa 1st Guardo Araneta 'GA..Pangga Sa Tisa Fun Run" niadtong weekend didto sa Tisa barangay hall.
Si Tutor mibitbit sa champion's trophy sa women's division human niya gitapos ang lumba sud sa 26 minutos ug 30 segundos, samtang si Lorenz Diola mipahiluna sa ikaduha sa oras nga 39:39.10. Si Marly Busa sa IGAT Running Club mitapos sa ikatulo nga mi-oras og 29:58.10.
Sa men's division, si Largo maoy labing kusog modagan ug iyang gitapos ang dagan sa oras nga 18 minutos ug 9.36 segundos. Sila si Diory Ycong (18:12.28) ug Marvin Maano (20:46.74) mipuwesto sa ikaduha ug ikatulo nga dapit.
Sila si Cebu City Councilors Margot Osmeña ug Ritchie Osmeña, Tisa barangay councilors Eddie Cabulao, Jeson L. Guardo, Whendel Araneta ug Mayor Pedrano maoy mitunol sa mga tropeyo ngadto sa mga mananaog.
Ang lumba gisuportahan sa Tisa barangay council ubos sa liderato ni Brgy. Capt. Teresita L. Cabulao, Labangon Brgy. Capt. Victor Buendia ug Hon. Rudy Tabasa.
Gi-organisar sa G-Concept ug Jeson L. Guardo, ang kalihukan napahigayon sab pinaagi sa pakigtambayayong sa PCSI, Eyeberry, Cupcaken, Barako Bull, Mang Tinapay ug Skydrops. (BANAT PALARO)