4 Cebuano football players molarga sa U.K.
CEBU, Philippines - Upat ka Cebuano football players ang molarga karong adlawa paingon sa United Kingdom alang sa
educational ug training trip nga kabahin sa Philippine Under-11 delegation.
Gilangkuban kini nilang Josh Rupert Asignar, Tristan Karl Enad, Yuan Josemari Reña ug Charles Unabia.
Ang upat ka Grade 5 students sa Don Bosco Technology Center (DBTC) maoy napili sa Cebu Football
Association (CFA) human sa try-outs o selection process.
"We are very proud of these boys. They made it after a series of tough tryouts and training camps. And Cebu
has the biggest representation on this trip as an FA," matud pa ni Raffy Musni sa CFA.
Gawas sa mga workshops, training ug field trips, ang mga batan-ong players makahigayon usab pagtan-aw sa
World Cup qualifier ug Premier league match didto sa UK.
Ang upat lakip sa 22 ka mga players sa tibuok nasud nga apil sa Philippine delegation.
Una kining higayon sa kasaysayan nga ang CFA mipadala og Cebuano players aron mag-ensayo didto sa
UK. (BANAT NEWS)
- Latest
