Casagan, Flores nagsawo sa daog sa CEPCA monthly

CEBU, Philippines -  Gisaw-an nilang Freddie Casagan ug Rey Flores ang kampiyonato sa  August edition sa Cebu Executives and

Professionals Chess Association (CEPCA) Monthly Tournament didto sa Deep Blue Cafe sa SM City-Cebu.

 Ang tournament committee sa pagpangulo ni Jun Olis mideklarar nilang  Casagan ug Flores nga kampiyon

human ang duha parehong mitapos sa 5-round  Swiss system competition nga nagbaton og 4.5 puntos.

 Si Casagan, ang bag-ong miyembro sa laing karaan nga chess organization dinhi sa  Sugbu, usa ka

rehistradong nurse ug nagtudlo karon sa University of the Visayas (UV).

 Nidaog siya sa iyang unang tulo ka duwa batok nilang Richard Gohetia, Mike Banibane ug Felix Balbona,

nagtabla uban ni Flores sa round four, sa wala pa niya pildiha si Marvie Abucay sa fifth round.

 Sa iyang bahin, si Flores, ang grand champion sa miaging tuig nagmadaugon batok nilang Jun Pasion, Jonathan

Canque, Manny Manzanares ug Andrew Balbona.

 Sila si Manzanares ug Peterson Sia miokupar sa ikatulo ug ikaupat nga dapit, samtang si Antonio Barade

mipahiluna sa ikalima.

 Sa maong kadaugan, sila si Casagan ug  Flores nakig-uban na sa early qualifiers  Atty. Jong Melendez, NM

Arnold Cadiz, Percival Fiel, Maggi Dionson, Manuel Abucay, Jun Kidlat ug Peterson Sia ngadto sa grand finals nga

gikatakda karong Disyembre.

 Ang tulo ka luna alang sa "Magic 12" ilogon sa mosunod nga tulo ka bulan. (BANAT NEWS)

Show comments