UV lupig sa SHS-ADC

CEBU, Philippines - Padayon nga midagit og daog ang Sacred Heart School-Ateneo de Cebu (SHS-AdC) Magis Eagles human nila mabihag

ang University of the  Visayas (UV) Baby Lancers, 78-60 sa nagpadayong aksiyon sa 13th Cebu  Schools Athletic

Foundation Inc. (CESAFI) basketball event kagahapon didto sa Cebu Coliseum.

MGA DUWA KARON

(Cebu Coliseum)

1:00 pm

CIT-U vs. UC (jrs.)

2:45 pm

USPF vs. UV (jrs.)

4:30 pm

USC vs. SHS-AdC (jrs.)

6:15 pm

USC vs. CIT-U (srs.)

Ning pagsuwat, padayon pang nagkumbati  ang  defending champion Southwestern University (SWU) Cobras ug losing

finalist University of the Visayas (UV) Green Lancers  alang sa solong liderato sa seniors division.

 Sa kasamtangan, ang Cobras ug Lancers parehong nagbitbit og 2-0 nga baraha.

 Si Anie Padilla  mitusik og 15 puntos aron pangulohan ang Magis Eagles nga nagtangag og 4-0 win-loss

record. Si Zachary Huang miabuno'g 11 puntos, samtang silang  Jair Igna ug Giovanni Laguyo miamot og 10 puntos matag

usa alang sa Magis Eagles nga nagsolo sa liderato.

 Ang Baby Lancers nga nagbitbit og 2-2 nga baraha, gipangulohan ni Jun Kent Manzo pinaagi sa iyang 20

puntos, gisundan ni   John Carl Escalona nga miposa'g 17 puntos.

 Sa laing aksiyon, ang University of Southern Philippines Foundation (USPF) Baby Panthers mitiklo sa Cebu

Institute of Technology-University (CIT-U) Wildkittens sa iskor nga  80-70 aron magpabiling walay pilde sud sa duha ka

duwa.

  Silang Jour James Villamor, Randolph Bontia, Airam Sam Cantillas ug John Boyle Amit Bahio parehong

miiskor og  double figures alang sa Baby Panthers.

 Si Jessie Aloro miposa'g 20 puntos ug si Jonher Espina mikulit og 18 puntos alang sa Wildkittens nga adunay

1-3 nga baraha.

 Sa laing duwa,  ang Cebu Eastern College (CEC) Dragons nakarekober dayon  sa ilang kapildihan niadtong

Martes, apan nag-agi una sila'g kalisdanan batok sa mas gagmay nga University of San Jose-Recoletos (USJ-R) Baby

Jaguars sa iskor nga  69-65.

 Silang Mark Roa ug Marc Raened Obado nagkumboya og 12 puntos sa kataposang kuwatro minutos sa

fourth period alang sa Dragons, kinsa aduna karo'y 4-1 nga baraha.

 Sa laing bahin, gipaabot nga mohimo na sab og laing milagro ang University of San Carlos (USC) Baby

Warriors ni coach Britt Carlo Reroma sa ilang pakigsangka sa solo-leader Sacred Heart School-Ateneo de Cebu (SHS-

AdC) Magis Eagles  karong adlawa diha  gihapon sa Cebu Coliseum. (BANAT NEWS)