Pacquiao gipasidan-an

CEBU, Philippines -  Gipasidan-an ni World Boxing Organization (WBO) Francisco  'Paco'  Valcarcel  si Filipino boxing icon Manny 'Pacman' Pacquiao nga magmatngon atol

sa  pakigsangka niya ni  Mexican-American brawler Brandon 'Bam Bam' Rios sa iyang "comeback fight" sa Nobiyembre

24 didto sa Cotai Arena sa The Venetian Resorts and Casino sa Macau.

 Si Valcarcel nga anaa karon dinhi sa Sugbu alang sa WBO bantamweight fight   tali nila ni South African

Paulos Ambunda ug Japanese challenger Tomoki Kameda ugma sa gabii, nagkanayon nga dili masayon-sayon ni Pacquiao

  si  Rios.

 "You know Rios has a Mexican blood and that is why he is a tough opponent," matud pa ni Valcarcel. "He is

not afraid of everything and he doesn’t surrender and doesn’t retreat in fighting."

 Hinuon, misalig gihapon  si Valcarcel  sa abilidad ni Pacquiao bisan pa'g napilde kini   nilang WBO

welterweight champion Timothy Bradley ug Mexican legend Juan Manuel Marquez sa miaging tuig.

 "He was winning before he got knockout in his fight with Marquez and his loss against Bradley is controversial.

I know Pacquiao will come back strong this time. This will be a very good fight," dugang pa niya.

 Gipahibalo ni Valcarcel nga madayon ang pagpahimo nila'g special WBO International belt nga maoy ilogan

nilang Pacquiao ug Rios.

 Sa iyang bahin, ang assistant trainer ug suod nga higala ni Pacquiao nga si Buboy Fernandez mipahibalo usab

nga hapit na nila sugdi ang ilang training camp didto sa General Santos City.

 Si Pacquiao, kinsa  hinay-hinay na nga nagpakondisyon pinaagi sa pagduwa'g basketbol gikatakdang

magsugod sa iyang unom ka semana nga  training camp sa  Agosto 20.

 Si Fernandez mao una ang modumala sa training ni Pacquiao   kay  si Freddie Roach unya pa sa Oktubre

mouban sa training. (BANAT NEWS)