Sitio Pinahagbong pabiling walay pilde sa Palarong Pambarangay

CEBU, Philippines -  Nagpabiling walay pilde ang Sitio Pinahagbong human nila gipilde ang Visayan B, 53-49  sa  juniors division sa Palarong Pambarangay Inter-Sitio Tournament  2013  niadtong Huwebes sa gabii didto sa  Wireless Cultural and Sports Plaza sa barangay  Subangdaku sa dakbayan sa  Mandaue.

 Ang  Sitio Pinahagbong  nagbitbit na karon og limpiyong baraha nga  3-0  sa juniors division.

 Gipangulohan ang kadaugan nilang Rick Jayson Monteto ug  Genesis dela Cruz nga parehong miiskor og 18 puntos.

 Sa laing duwa, ang Nawanao Old Star milubong sa Mahiga Blaze sa iskor nga 93-60 alang sa ilang 2-0 nga baraha sa 40-above division.

 Si Moises Minina maoy topscorer sa   (Stacey Antolijao/USJ-R Masscom Intern) Star pinaagi sa iyang 16 puntos, gisundan ni Cleo Acordo nga adunay 14 puntos. (BANAT PALARO)