BEST Center SBP passerelle mosikad na karong adlawa

CEBU, Philippines -  Sugdan na karong adlawa ang BEST Center  SBP Passerelle Twin Tournament alang sa mga batan-ong basketbolista dinhi sa Sugbu sa USC-North campus gym sa General Maxilom Avenue, ning dakbayan. 

 Ang University of San Carlos (USC)  modepensa sa ilang titulo sa Small Basketeers Philippines division, samtang ang University of the Visayas (UV) sa  Passerelle  category.

 Ang duha mao sab ang   defending Visayas champions  sa tagsa-tagsa nila ka dibisyon ug mipahiluna sa

ikaduha ngadto sa La Salle Greenhills sa national finals sa 2012 edition sa torneyo nga gipaluyohan sa Milo.

 Ang SBP division alang sa mga players ubos sa 12-anyos  diin aduna nay bag-ong composition sa mga players karong tuiga.

 Matag SBP team dunay labing daghan lima ka Under 12 players, lima ka Under 11 players ug lima sab ka

Under 10 players.

 Ang kanhi composition sa team mao ang 9-6-3 matag age group.

 Ang Passerelle division alang sa mga players nga ubos sa 15-anyos  diin ang composition mao ang lima ka players nga Under 15, lima sab ka players nga Under 14 ug laing lima ka players nga Under 13.

 Ang tinuig nga SBP Passerelle Tournament gipasiugdahan sa Basketball Efficiency and Scientific Training

Center kon BEST nga nagsaulog karon sa ilang ika-35 nga anibersaryo..

 Ang ilang summer clinic ug tinuig nga torneyo maoy labing daku ug labing karaan dinhi sa nasud nga nakamugna na og mga banggiitang magduduwa sama nilang Kiefer Ravena, Benjie Paras, Chris Tiu ug uban pa ug ingon man mga magduduwa sa UAAP ug NCAA.   (BANAT PALARO)