CEBU, Philippines - Miduol ang GMA-7 Kapuso ngadto sa tinguha nila nga kampiyonato human nila giangkon ang Game-1 sa ilang ‘best-of-three’ finals series batok sa The Freeman-Cebu Daily News Red Shamans,71-67, sa Newsmen Basketball Association of Cebu (NBAC) kagahapon didto sa Cebu Coliseum.
Sama sa gilauman, nahimong kulbahinam ang panagbangga sa duha ka koponan human milusad og bangis nga scoring rally ang GMA-7 aron gukdon ang otso puntos nga labaw sa Red Shamans sa first half.
Gipangulohan nila ni Godfrey Rellin ug Gabriel Bonjoc, ang GMA-7 mipasud sa krusyal nila nga mga tira sa krusyal nga minutos sa duwa aron maselyado ang daog.
Sa laing bahin, sayun nga nakuha sa CCTN-47 ang third place trophy dihang midaog sila batok sa Sunstar Daily-Bombo Radyo pinaagi sa forfeiture.
PUNTOS MATAG USA:
GMA-7 (71) – Rellin 18, Bonjoc 16, Leofil 10, Bautista 9, Pantino 4, Mendoza 2, Suarez 2
Freeman-CDN (67) - Panerio 37, Romanillos 7, Cordova 6, Rosal 4, Villaruel 4, Navarro 4, Maglinte 2, Melecio 2 (BANAT PALARO)