FYA, Petracorta ilog karon sa titulo

 CEBU, Philippines - Mag-abot karon ang F. Llamas Youth Association (FYA) Selection ug ang Petracorta Brokers sa taktakay nga finals sa 2nd season sa Cebu International Port Users (CIPU) basketball tournament didto sa Barangay Cogon-Ramos gym.

 Sugdan ang duwa sa alas-3 sa hapon human gyud sa engkuwentro tali sa Canillas Brokers  (Yorjoj) ug Ynah Brokers nga mag-ilog sa ikatulong dapit sa ala-1 sa  hapon.

 Interesante ang maong sangka kay katunga sa mga magduduwa sa Petracorta Brokers mao sab ang mga players sa CIPU Warships nga naglakip ni Edwin Carmen ug CIPU treasurer Jeff Garcia, Ramil Aniñon ug Kenneth Maningo sa Kentkyle Cuisine ug sila si Dodong Manlosa ug Tony Largosa sa Canillas-Yoryoj.

 Gawas sa  Medalle brothers, gipalig-onan sab ang FYA sa managsuong Tata ug Nico Laborte, uban nilang

Janus Abellana, Junrey Arreglo ug Toper Marata.

 Ang Petracorta mosalig  nilang Francis Palero, Billy Sagario, Digoy Solidarios, Leonard Sagarino, Nilo

Petracorta, Reden Villaronza ug Takloy Moral. (BANAT PALARO)