UV Lancers molarga na paingon sa Russia alang sa 27th Universiade
CEBU, Philippines - Ang University of the Visayas (UV) Green Lancers nga gipaluyohan sa Haier molarga karon paingon sa
Kazan, Russia Federation aron morepresentar sa Pilipinas sa basketball event sa 27th Summer Universiade nga gikatakda
sa Hulyo 6-17.
Wala pa hisayri kun kinsa unang makontra sa Lancers didto sa Kazan, apan segurado na gyud nga ilang
masuwayan ang kabangis sa back-to-back Universiade champion gikan sa nasud sa Serbia.
"Winning there in Kazan is secondary. It will not only help us to prepare for the CESAFI but going there is a
great honor and it will also gives us the opportunity to know their culture," matud pa ni UV team manager ug 1st District
Representative Samsam Gullas atol sa usa ka send-off press conference kagahapon didto sa iyang buhatan.
Ang 24 ka nasud nga mosalmot sa basketball event gibahin ngadto sa upat ka brackets -- Poll A, Pool B diin
masakop ang Pilipinas (UV), Pool C ug Pool D.
Matud ni Gullas nga dakung dungog ang ikahatag sa UV dili lang sa Pilipinas, apan ilabi na gyud sa Sugbu.
Sa iyang bahin, si Lancers head coach Felix 'Donbel' Belano Jr. nagkanayon nga andam na ang iyang mga
batos paghatag sa ilang kaatbang og lisud nga duwa.
Gawas sa Lancers, ang Federation of Sports Association of the Philippines (FESSAP) mopadala sab og
labing menos 70 ka atleta gikan sa nagkalain-laing sports disciplines ning 12 ka adlaw nga kompetisyon.
Ang lain pang mga Sugbuanong atleta nga miporma sa Team Philippines mao sila si Jerny Kaye Pepito ug Val
Stephen Rojas sa University of Cebu (UC) sa table tennis ug Kelly Kaye Rojas sa University of San Jose-Recoletos
(USJ-R) sa weightlifting. (BANAT NEWS)
- Latest
