Pacquiao gitagna nga mudaog

Napanglantawan sa veteran American trainer nga si Naazim Richardson ang seguradong kadaugan ni Filipino boxing icon Manny Pacquiao batok ni Brandon Rios sa ilang sangka sa Nobiyembre didto sa Macau.

Si Richardson masaligon nga mopatigbabaw gihapon ang kasinatian ni Pacquiao bisan pa og nailhan nga usa ka lig-on ug delikadong boksidor ang Mexican-American brawler. (LPM)

Meralco giangkon og 19-anyos

Wa kapugong ang tibuok koponan sa Meralco Bolts sa 19-anyos nga Japanese center nga si Atsuya Ota atol sa duwa sa koponan batok sa Japanese national team didto sa Tokyo.

Ang 6-foot-9 nga si Ita mibundak og 19 puntos ug 11 puntos aron mapilde sa Japan ang Meralco sa usa ka friendly game, 86-67. (LPM)

Volcanoes tagak sa World Cup

Natapos na ang kampaniya sa Philippine Volcanoes human sila mapilde og kaduha ka sunod-sunod nga higayun sa 2013 Rugby World Cup kagahapon didto sa Russia.

Sa labing una nilang appearance World Cup, ang Volcanoes wala makakuha og daog sud sa tulo ka duwa. (LPM)

Haslem ipaubos sa operasyon

Mopailawum sa operasyon ang Miami Heat forward nga si Udonis Haslem kinsa nakahiagum og torn right miniscus atol sa NBA finals.

Si Haslem mobalik gihapon sa Heat sunod season nga tinguha nga makahimo og three-peat championship. (LPM)