CIPU, PhilHealth sud semis

CEBU, Philippines -  Gipangpilde sa Cebu Inter Port Users (CIPU) ug PhilHealth ang tagsa-tagsa nilang karibal aron moabante

ngadto sa semifinals sa Cebu Customs Invitational Tournament 2013 didto sa USC North Campus sa General Maxilom

Avenue, ning dakbayan.

 Ang CIPU mipukan sa Alin Brokers sa iskor nga 88-81, samtang ang PhilHealth midaog batok sa Bureau of

Internal Revenue (BIR), 61-53.

 Si Takloy Moral maoy nangu sa CIPU sa iyang 16 puntos, samtang silang Ramil Aniñon ug Reyden Villaronza

mitampo'g 10 puntos matag usa.   Ang Alin gipangulohan sab ni Rechito Lleve nga mikutlo og 19 puntos,

gisundan ni  Ryan Villomo nga adunay 17 puntos.

 Sa laing bahin, ang PhilHealth nagsandig sa ilang   playing coach Anthony Cenabre ug Earl Escobido aron

moposte og 46-39 nga labaw pagtapos sa third quarter ug sukad niadto wala na kini molingi pa hangtod nahurot ang oras

sa duwa.

 Si Sherwin Arco maoy nangu sa PhilHealth sa iyang 15 puntos, samtang si Escobido miamot og nuybe puntos.

Ang BIR gipangulohan ni Allen Sorela nga miiskor og 15 puntos, gisundan ni kanhi UV Lancer Jerson Espinosa nga

adunay 13 puntos.

Puntos matag usa

Unang duwa:

 CIPU (88) - Moral 16, Aniñon 10, Villaronza 10, Largosa 9, Mondin 8, Maningo 8, Manlosa 6, Niones 6,

Garcia 5, Allerte 3, Sagmio 2

 Alin Brokers (81) - Lleve 19, Villomo 17, Barral 10, Alin 8, Laurel 6, Estorio 5, Alimoren 2

Ikaduhang duwa:

 Philhealth (61) - Arco 15, Escobido 9, Teves 7, Cenabre 6, Yap 6, Canelito 6, Anadon 6, Quiñanola 4

 BIR (53) - Sorela 15, Espinosa 13, Talaroc 6, del Rosario 5, Guieb 5, Bandala 4, Diamos 4, Zabala 2 (BANAT NEWS)