CEBU, Philippines - Miabante sa ikaduhang puwesto ang Park ‘N Go Bakeshop human ilang gilubong ang Akira, 104-89 sa
Power Forty President's Cup 2013 niadtong Martes didto sa Inayawan Sports Complex.
Sa laing duwa, ang AMBL naka-eskapo bitbit ang 102-99 nga kadaugan batok sa Water Market, 102-99.
Si Michael Arias mibahog og 24 puntos aron pangulohan ang Park N’ Go nga karon nagtangag og 3-1 nga
baraha. Laing lima niya ka teammates ang mihimo sab og double figures sa maong kadaugan.
Ang napildeng Akira gipangulohan ni Celso Cabaluna nga mipabuto'g 22 puntos, gisundan ni Fernando
Sumargo nga adunay 18 puntos.
Sa laing bahin, si Robert Abasolo miburak og 30 puntos alang sa AMBL nga naghupot karon og 2-1 nga
baraha. Sila si Noel Flordeliza ug Cesar Gaviola mitampo'g 18 ug 17 puntos matag usa.
Ang Water Market (2-2) gipangulohan ni Joel Jaca, kinsa mihakot og 22 puntos, si Michael Veloso miamot
og 19 puntos ug si Carding Vernaiz mitampo og 14 puntos.
PUNTOS MATAG USA
Unang duwa:
Park ‘N Go (104) - Arias 24, Misa 15, Dejacto 13, J. Rama 12, Mosqueda 10, Nacional 10, Lisondra 6,
Ramil 6, G. Rama 2
Akira (89) - Cabaluna 22, Sumargo 18, Labalan 11, Cabrera 10, Moniva 8, Dela Rama 8, Labrada 6,
Magallon 4, Echavez 3
Ikaduhang duwa:
AMBL (102) - Abasolo 30, Flordeliza 18, Gaviola 17, Fuentes 11, Cabatas 8, Navares 6, Abasolo 4,
Chiong 4, Piezas 2, Abellanosa 2
Water Market (99) - Jaca 22, Veloso 19, Vernaiz 14, Caumeran 11, Lim 7, Navares 6, Sandal 6, Dacalos 5,
Ozon 4, Navares 4, Eleguin 2 (BANAT NEWS)