CEBU, Philippines - Ang Camolinas Warriors walay puangod nga milubong buhi sa Dodong Kyl, 99-45 sa juniors division sa 7th Mayor Adelino B. Sitoy Cup basketball tournament didto sa Cordova gym sa Lapu-Lapu City.
Upat ka players ang mikutlo og double figures alang sa haring gangis nga Camolinas Warriors nga wala gyud batia'g kulba gikan sa pagsugod hangtod nga nahuman ang duwa. Gipangulohan
ang kadaugan ni Eloy Escabas, kinsa mipabuhagay og 18 puntos, gisundan ni Jun Escabas nga mihabwa'g 16 puntos. Ang UV Lancer nga si Sugar Suan miambit og 15 puntos, samtang si Demapales mitimbre og 10 puntos alang sa Camolinas Warriors nga suportado sa ilang Brgy. Capt. Teodorico Casquejo Jr.
Ang Dodong Kyl, kinsa wala gyu'y bawot sa maong duwa gipangulohan ni Briones nga mitikdol og 14 puntos ug Toto Tagsip nga adunay 10 puntos.
PUNTOS MATAG USA
CAMOLINAS WARRIORS (99) - E. Escabas 18, J. Escabas 16, S. Suan 15, Demapales 10, L. Suan 9,
Tagsip 8, Menguito 6, Quinagingla 6, R. Suan 5, Fernandez 4, Villaneso 2
DODONG KYL (45) - Briones 14, Tagsip 10, Campungan 6, Campungan 5, Pogoy 4, Pacaldo 2,
Magdadaro 2, Oro 2 (BANAT PALARO)