Aguilar mubalhin sa Ginebra?
CEBU, Philippines - Nagkahayag ang posibilidad nga magsul-ob na og uniporme sa Barangay Ginebra San Miguel ang high-flyer ug kanhi NBA D-League draftee nga si Japeth Aguilar kinsa desidido nga kuhaon sa Ginebra gikan sa Global Port Batang Pier.
Sa taho sa Spin.ph, ang Ginebra giingon nga mihimo na og negosasyon ngadto sa Global Port aron makuha si Aguilar aron moduwa kini kanila sa PBA Governor’s Cup nga sugdan sa Agosto.
Ang mga kadagkuan sa Ginebra mitanyag og usa ka trade ngadto sa Global Port diin andam sila muhatag og tulo ka players nga mao sila si Yousif Taha, Elmer Espiritu ug Cebuano point-guard Rob Labagala bugti ni Aguilar ug veteran Willie Miller.
Si Aguilar ang nakita sa Ginebra nga solusyon sa ilang suliran sa bigman nga maoy nakahatag kanila og labad sa miaging Commissioner’s Cup finals diin gipilde sila sa Alaska Aces. (BANAT SPORTS)
- Latest
