Prime Asia pabiling way pilde sa 11 nila ka duwa

CEBU, Philippines - Wala gihapon masumpo ang pagmangtas sa Prime Asia Lending/UV Green Lancers ug nagpabiling walay pilde

sa 11 dihang yano kaayo nilang gidemolis ang   Cebu Landmaster/USC Warriors, 73-57 kagahapon sa pagsugod sa

Enervon CESAFI Partner’s Cup 2013 kagahapon didto sa Cebu Coliseum.

 Ang Prime Asia milansang dayon og 13-2 nga bentaha sa  first period diin ila lang nga gitugotan ang Cebu

Landmasters pagsikit sa iskor nga 13-15 sa second period  sa  basket ni Stephen Que ug wala na kini makasikit pa sukad

niadto.

 Tulo ka sunod-sunod nga sipyat ni Charles Pepito  ug turnovers maoy nagpainat pagbalik sa labaw sa Prime

Asia ngadto sa 18 puntos  sa halftime, 40-22. Miabot pa kini ngadto sa 22 puntos sa third quarter.

 Nakawang lang ang paningkamot sa import sa Cebu Landmasters nga si Ahmed Salihou tungod kay wala

sila'y ikasustenir sa gidak-on sa Prime Asia.

 Si Wowie Escocio maoy nangu sa Prime Asia sa iyang 15 puntos, samtang ang beteranong pointguard nga si

John Michael Abad miamot og 11 puntos.

 Gipangulohan nilang Que ug Salihou ang Cebu Landmasters nga miiskor og 16 puntos matag usa. (BANAT NEWS)