Gisilotan sa PBA Commissioner’s office si Barangay Ginebra San Miguel coach Alfrancis Chua human kini mihimo og ‘dirty finger’ batok ngadto sa mga fans sa Alaska Aces sa Game-2 niadtong Biyernes.
Sa gibuhat nga pagbinastos ni Chua, nakahukom ang PBA nga pamultahon siya og P10,000 nga multa. (LPM)
Pinoy MMA fighter napukan
Pakyas ang Filipino Mixed Martial Arts (MMA) fighter nga si Crisanto ‘The Slugger’ Pitpitunge sa pagdepensa sa Pacific X-treme Combat (PXC) championship human siya gipilde pinaagi sa unanimous decision ni Japanese Michinori Tanaka niadtong Sabado sa gabii didto sa Ynares Sports Arena. (LPM)
Hornets ibalik sa Charlotte
Mag-ilis og team moniker ang Charlotte gikan sa Charlotte Bobcats ngadto sa karaan nilang team name nga Charlotte Hornets nga maoy orihinal nga pangan sa ilang koponan niadtong dekada 90. Kini human usab gailis og moniker ang New Orleans gikan sa Hornets ngadto sa New Orleans Pelicans alang sa sunod season sa NBA. (LPM)