Korona sakmiton sa Alaska

 CEBU, Philippines - Suwayan  sa  Alaska  Aces  ang   paghimo'g   3-0 sweep batok sa Barangay Ginebra San Miguel sa Game-3

sa ilang "best-of-five" final series aron makuha nila ang titulo sa PBA Commissioner's Cup karong adlawa didto sa Smart

Araneta Coliseum.

 Nakabentaha karon ang Aces sa series, 2-0 human nila gilubong ang Ginebra sa Game-2 sa iskor nga 104-90

niadtong Biyernes sa gabii.

 Paningkamotan sa Alaska nga  tapuson nila ang series sa ilang duwa karon nga sugdan sa alas-7:30 sa gabii. 

Sa sitwasyon sa Ginebra, naglaum kini nga makarekober ug kinahanglan silang modaog sa Game-3 ug Game-4 aron

mapugos og "do-or-die" game.

 Ang star player sa  Ginebra nga si Mark Caguioa wala kaayo mapahimusli kay bag-o lang naalim ang iyang

injury.

 Masaligon si Caguioa nga mohimo og milagro ang Ginebra  ug madaog nila ang series.

 Sa kasaysayan sa PBA, duha pa lang ka koponan ang nakabangon gikan sa 0-2 sa "best-of-five"  series. Kini

mao ang Crispa Redmanizers  niadtong tuig 1976 ug Purefoods  Tender Juicy Hotdog niadtong 1990. (BANAT NEWS)