CEBU, Philippines - Nagpabilin gihapon nga walay pilde ang MJDL Brokers ni Mike Logarta human kini moiskor og makabungog nga daog batok sa BIR, 99-53 sa Cebu Customs Invitational basketball tournament niadtong Martes didto sa Benedicto College gym sa A.S. Fortuna St., Mandaue City.
Wala kapugngi ang pagmangtas sa mas kusog ug abtik nga MJDL diin unom sa ilang mga magduduwa ang miiskor og double figures.
Nagsolo na sa liderato ang MJDL human sa ilang kadaugan uban ang 4-0 nga baraha.
Sila si Noel Medalle ug Arnel Trinidad pareho miiskor og 14 puntos aron pangulohan ang MJDL, samtang
silang Nico Laborte, Dandan Enriquez, Beking Rollon ug Jaymar Elloren miantog og 12 puntos matag usa.
Ang BIR kinsa midailos ngadto sa 2-2 nga baraha, gipangulohan ni ex-UV center Jerson Espinosa sa iyang 15 puntos. Laing duha niya ka teammates ang mirehistro og double figures.
PUNTOS MATAG USA
MJDL (99) - Trinidad 14, N. Medalle 14, N. Laborte 12, Enriquez 12, Rollon 12, Elloren 12, Abellana 8, B.
Medalle 5, Bensi 4, Apuya 4, T. Laborte 4, Alaan 2
BIR (53) - Espinosa 15, Pajares 12, Solera 11, Bandala 6, Talaruc 5, Diamos 2, Limbaroc 2 (BANAT PALARO)