Tickets sa Pinoy Pride 20 mapalit na

CEBU, Philippines -  Mahimo na nga mapalit  ang mga tiket alang sa "Pinoy Pride XX: Laban Kung Laban" fight card nga gikatakda

sa Mayo 25 diha sa Waterfront Cebu City Hotel and Casino.

 Mobida sa maong fight card mao si WBO International light welterweight champion Jason 'El Niño' Pagara,

kinsa modepensa sa iyang bakus batok ni Aaron 'La Hoya' Herrera sa Mexico.

 Sa supporting bout, ang stablemate ni Pagara ug undefeated nga si Genesis 'Azukal' Servano  makigsangka sa

No. 1 Indonesian super flyweight prospect Isack Junior, samtang si Jimrex 'The Executioner' Jaca makigbatok  ni former

WBC lightweight champion Jose Emilio Perea.

 Ang mga tiket nagkantidad og P3,000 sa VIP 1st row, P2,000 sa VIP 2nd row, P1,500 sa VIP 3rd row,

P1,250 sa VIP 4th row, P500 sa gold seats, P350 sa ballroom ug P250 sa balcony.

 Mapalit kini sa Waterfront Hotel, ALA Gym sa BTC, ALA Gym Paseo Arcenas sa Banawa, ALA Gym

Bridges Town sa Mandaue, Pacific Mall Mandaue, SM City Cebu, SM City Consolacion ug ALA Promotions Office.

 Mahimo usab nga makapalit og tiket sa online ticketing sa SM tickets sa www.smtickets.com. (BANAT NEWS)