Roach malaumon Pacquiao modaog pinaagi sa knock-out
CEBU, Philippines - Sayu palang ug wala pa sila kasugod sa ilang training, apan gitagna nang daan ni Hall-of-Famer trainer Freddie Roach nga mudaog pinaagi sa knockout ang iyang ‘prized fighter’ nga si Manny Pacquiao batok ni Brandon Rios sa Nobiyembre 24 didto sa The Venetian Hotel sa Macau.
Tungod sa agresibo nga istilo ni Rios, nakita ni Roach nga magsinukliay og kumo ang duha ka boksidor, apan si Pacquiao ang makapabor ug mulampos kini pagpatumba sa Mexican-American brawler.
“So someone’s going to get knocked out in this fight, and I think that it’s going to be Rios,†matud pa Roach.
Gawas pa nga makapabor sa kasinatian si Pacquiao, gipaabot nga mas agresibo ug preparado si Pacquiao sa maong away tungod usab sa tinguha niini nga makabawi human sa iyang sakit nga kapildehan batok ni Juan Manuel Marquez.
Si Pacquiao gipilde sa Mexican boxing superstar pinaagi sa sixth round knockout niadtong Disyembre didto sa MGM Arena sa Las Vegas.
Sa laing bahin, gipahungaw usab ni Roach ang iyang pagtuo nga malabwan pa sa kasikaton og kita sa Pacquiao-Rios fight ang miaging sangka ni Floyd Mayweather batok ni Robert Guerrero. - LPM gikan sa Philstar (BANAT NEWS)
- Latest
