CEBU, Philippines - Ang Global FC booters nga maoy mirepresentar sa host Philippines mosugod sa ilang kampanya batok sa
Yeedzin sa Bhutan sa Group B action sa AFC President's Cup karong adlawa diha sa Cebu City Sports Center.
Ang Global FC-Yeedzen showdown gitakda sa alas-7:30 sa gabii human sa opening game tali sa Dordoi
Bishkek sa Kyrgyzstan ug KRL (Khan Reserch Laboratories) sa Pakistan sa alas-4:30 sa hapon.
Kasagaran sa mga magduduwa sa Global FC gikan sa Phl Azkals nga sila si Juani Guirado, Carli de Murga,
Denis Wolf, Jeffrey Christiaens, Jason de Jong, goalkeeper Ed Sacapano ug Fil-Am Patrick Reichelt.
Samtang ang Dordoi Bishkek, 90 porsiyento sa ilang national team players ang moduwa alang sa ilang
Kyrgyzstan.
Ang upat ka koponan moduwa og single round robin format diin ang top two moabante sa final stage batok sa
seeded sa Group A ug C sa nanghinapos nga bahin ning tuiga. (BANAT NEWS)