CEBU, Philippines - Giinat sa Prime Asia Lending/UV Lancers ang sunod-sunod nilang daog ngadto sa walo human sa ilang 70-40 nga pagdemolis sa Raphael's Café/USJ-R Jaguars sa Enervon CESAFI Partner's Cup 2013 basketball tournament niadtong Domingo didto sa Cebu Coliseum.
MGA DUWA KARON
(Cebu Coliseum)
4:00 pm
San Marino Tuna vs.
Raphael’s Café
5:45 pm
Lion Tiger vs.
Gaisano Capital South
Sa laing mga duwa si Jan Michael Auditor miposa og triple ug si Arnud Noah mikompleto sa iyang
mahinungdanong three-point play aron baswaton ang Gaisano Capital South/UC Webmasters ngadto sa kulbahinam nga kadaugan batok sa San Marino Tuna/CIT-U Wildcats, 84-80, samtang ang Cebu Landmasters/USC Warriors nagsalig gihapon sa pagkamabayanihon ni Charles Pepito aron moposte og 67-60 nga kadaugan batok sa Lion Tiger/USPF Panthers.
Ang tanang 14 ka players nga gipasulod sa Prime Asia ni coach Felix 'Donbel' Belano pulos nakaiskor nga gipangulohan ni Mico Marquez sa iyang 13 puntos.
Sa sayo pa, ang San Marino naglabaw pa unta, 76-74 sa nahabiling 2:39 sa duwa, apan si Auditor miposa og tres, dayon si Noah mikompleto sa iyang three-point play aron hatagan ang Gaisano Capital og 80-76 nga bentaha nga nakapaginhawa nila'g lawom.
Si Auditor mihipos og 12 puntos, apan si Gerald Ampoon maoy topscorer sa iyang 14 puntos alang sa Gaisano Capital nga nagsolo sa ikaduhang dapit uban ang 6-2 nga baraha.
Si Vincent Menguito, kinsa naghatag sa Gaisano og labad sa ulo maoy nangulo sa 3-5 nga San Marino sa iyang 24 puntos.
Sa laing bahin, si Pepito mihipos og 11 puntos aron pangulohan ang Cebu Landmasters sa ilang ikalima daog sud sa walo ka duwa.
PUNTOS MATAG USA
Unang duwa:
Prime Asia/UV (70) - Marquez 13, Cabañero 10, Arong 8, Codilla 8, Santillan 7, Escocio 6, Perolino 4,
Abad 3, Mendoza 2, Octobre 2, Babia 2, Fajardo 2, Akomo 2, Soliva 1
Raphael’s Café/USJ-R (40) - Bancale 7, R. Senining 5, Lajato 5, Regalado 4, M. Parker 4, Sanchez 3,
Villarosa 3, Silay 3, C. Senining 2, Diaz 2, Cinco 2
Ikaduhang duwa:
Gaisano Capital/UC (84) - Ampoon 14, Auditor 12, Smith 10, Noah 7, Montilla 7, Quijntao 7, Mangyao 6,
Cabrera 6, Alocillo 4, Yburan 4, Tamparong 3, Asis 2, Miranda 1, Misa 1
San Marino/CIT-U (80) - Menguito 24, Brigoli 8, Dimco 7, Eboña 6, Taghoy 6, Taboada 5, Pono 5, Infante
5, Limalima 4, Graf 3, Dela Cerna 3, Bucao 2, Batiquin 2