Lion tiger midemolis sa raphael's café

CEBU, Philippines -  Ang Lion Tiger/USPF Panthers midemolis sa Raphael’s Cafe/USJ-R Jaguars, 83-68  sa second round  sa

elimination sa Enervon CESAFI Partner's Cup 2013 basketball tournament niadtong Martes sa gabii didto sa Cebu

Coliseum.

 Si Joseph Sedurifa mipabuto og 22 puntos alang sa Lion Tiger nga nagbitbit karon og 2-4 nga baraha, samtang

ang Raphael's Cafe nakatilaw sa ilang ikaunom nga sunod-sunod nga pilde.

 Walay player gikan sa  Raphael's Café ang miiskor og double figures dihang sila si James Regalado ug Wilkins

Sanchez gilimitahan lang ngadto sa nuybe puntos matag usa alang sa gidaog-daog nga koponan.

 Kontrolado sa Lion Tiger ang duwa ug namintinar nila ang 20 puntos nga labaw sa tibuok second half ug wala

nay timailhan nga makabangon pa ang   Raphael’s Café.

 Sa laing bahin, ang Prime Asia Lending/UV Lancers laraw nga mokulit sa ilang ikapitong daog  dihang

sangkaon nila ang Lion Tiger karong adlawa sa alas-5:45 sa hapon.

 Ang Prime Asia nga mitipi sa Lion Tiger sa first round, naglawig alang sa laing "clean sweep" kay yano ra nilang

gipilde ang ilang mga kaatbang.

 Sa dili pa ang duwa sa Prime Asia-Lion Tiger, ang Gaisano Capital South/UC Webmasters mosugod sa ilang

kampanya sa second round dihang ilang sangkaon ang Cebu Landmasters-USC Warriors sa alas-4 sa hapon.

Puntos matag usa

 Lion Tiger  (83) - Sedurifa 22, Camello 11, Borces 11, Sollano 6, Batucan 6, Cavalida 6, Mangaron 5,

Delalamon 4, Cando 3, Pogoy 3, Sastrillas 2, Abesia 2, Virtucio 2

 Raphael's Cafe (68) - Regalado 9, Sanchez 9, Silay 8, Cinco 8, Bayhonan 6, C. Parker 6, Lajato 6, Rosell 5,

M. Parker 4, Zosa 3, Diaz 2, C. Senining 2 (BANAT NEWS)