CEBU, Philippines - Kapin sa 1,000 ka booters nga pangulohan sa ubang mga sakop sa Phl Azkals ang mopakita'g aksiyon sa dihang ang 2nd BRO National Football Festival mosikad karon didto sa Aboitiz Sports Field sa Brgy. Subangdaku, Mandaue City.
Gawas sa host Cebu, mga koponan gikan sa Tacloban, Bohol, Bacolod, San Carlos City, Davao, Butuan ug Dipolog ang mosalmot sab ning tulo ka adlaw nga kompetisyon.
Ang Phl Azkals team captain nga si Chieffy Caligdong anaa karon sa Sugbu aron motambong sa opening,
samtang ang iyang teammates nga sila si Ian Araneta, Nestorio Margarse ug Roel Gener mokumbati sa men's open division sa Team ERCO o di ba sa BRO Nationals.
Mga kategoriya nga kumbatihan mao ang players 7, 8, 9 and 10, boys 11, 12, 13, 14, 15, 17 and 19, girls 14 and 17, executive 36, inter-BPO ug ang premiere men's and women's open. (BANAT PALARO)