Prime Asia mikubit ikaupat nilang daog sa Partner's Cup

CEBU, Philippines - Nagmangtas na sab ang Prime Asia Lending/UV Green Lancers ug

  ilang gilubong ang San Marino Tuna/CIT-U Wildcats, 91-73 alang sa ilang 4-0 nga baraha sa

Enervon CESAFI Partner's Cup 2013 basketball tournament kagahapon didto sa Cebu Coliseum.

 Gikan sa nipis nga labaw, 16-11 paghuman sa unang 10 minutos sa duwa, ang Prime Asia/UV mitusak og upat

ka triples, duha gikan ni rookie Leonard Santillan ug laing duha ni pointguard John Abad aron mainat ang labaw, 38-19  sa

second period.

 Gitapos sa Prime  Asia/UV ang maong kuwarter sa iskor nga 47-28 sa slam dunk ni Cameroonian recruit

Mike Harry Nzensseu.

 Ang Prime Asia/UV nagpauwan sab og mga puntos sa third period, 27-21 ug padayong naprotehian ang ilang

dakung labaw.

 Si Wowie Escocio mipakita sa iyang ka tirador dihang miiskor siya og 13 puntos aron pangulohan ang

balanseng opensa sa Prime Asia  nga naghatag ni Nzenssue ug laing Cameroonian recruit Steve Cedrick Akomo nga

makadiskanso.

 Si  Abad mitapos sa duwa uban ang 11 puntos ug si Nzenssue adunay mitikdol og 10 puntos. Si Akomo, kinsa

mihimo sab og dunk sa sayong bahin sa first period mitimang og kuwatro puntos.

 Ang San Marino/CIT-U gipangulohan ni Allan Dimco pinaagi sa iyang 18 puntos, apan si Joshua dela Cerna

wala makahuygo ug igo lang miiskor og dos puntos. Sila si Julius Tabalin ug Floyd Taboada nagkumboya'g 21 puntos alang

sa San Marino/CIT-U, kinsa nagbaton og 2-2 win-loss record.

Puntos matag usa

 Prime Asia/UV (91) - Escocio 13, Abad 11, Nzensseu 10, Babia 9, Perolino 8, Mendoza 7, Santillan 6,

Fajardo 6, Codilla 5, Akomo 4, Oktobre 3, Arong 3

 San Marino/CIT-U (73) - Dimco 18, Tabalin 11, Taboada 10, Menguito 9, Ebona 8, Pono 6, Brigoli 3, Booc

2, Taghoy 2, Graf 2, Dela Cerna 2 (BANAT NEWS)