Green, White daog sa Solita Cup

CEBU, Philippines -  Gipanglubong sa Green ug  White ang tagsa-tagsa nilang kaatbang aron molansang og daog sa nagpadayong aksiyon sa 3rd Solita's Cup basketball tournament niadtong Huwebes didto sa Co Tiao King gym sa Brgy. Tabok, Mandaue City.

 Ang Solita Green nimasaker sa Solita Yellow alang sa una nilang daog, 92-76, samtang ang Solita White midemolis sa Solita Red 74-50.

 Lima ka players sa Solita Green ang miiskor og double figures sa pagpangulo ni Eric Congson pinaagi sa iyang 15 puntos, nakakuha sab siya og dakung suporta gikan ni Aladen  Aguilar nga mipabuhagay og 14 puntos. Sila si Jomjom.

Saga ug Tonton Bacolod mitikdol og 13 puntos matag usa, samtang si  L. Maglinte mitimang og 10 puntos alang sa ilang 1-2 nga baraha.

 Ang napildeng Solita Yellow gipangulohan sab ni Cyros Perez, kinsa mikadlit og 18 puntos ug sila si Randy Beringel, Warren Flores ug R. Cosedo nagkumboya og 33   puntos.

 Sa laing bahin, bugtong si Virgel Bercero lang ang mihimo'g double figures alang sa Solita White pinaagi sa iyang 11 puntos, gisundan nilang Canjo Echavez ug Larry Cuaton nga parehong mitimbre og otso puntos.

 Sila si Banjo Hatamosa ug Wawet Meca maoy topscorers sa Solita Red nga mipupo og otso puntos matag usa, ning maong torneyo nga gipadagan sa ilang presidente nga si Kagawad Boy Tarriman, uban nilang Bebe Flores, Litoy Tagalog, Tsoko Lastimosa ug Rey Flores.

PUNTOS MATAG USA

Unang duwa:

 SOLITA GREEN (92) - Congson 15, A. Aguilar 14, Saga 13, Bacolod 13, Maglinte 10, Migabon 9, N.

Aguilar 6, Judilla 4, Poncia 4, Perez 2, Suico 2

 SOLITA YELLOW (76) - Perez 18, Beringel 11, Flores 12, R. Cosedo 10, Paradiang 6, Bendejo 3, E.

Cosedo 3, Arevalo 2, Banogbanog 2, Diapera, Corbo 2

Ikaduhang duwa:

 SOLITA WHITE (74) - V. Bercero 11, Echavez 8, Cuaton 8, Perez 8, Conde 7, Itang 7, Flores 6, Estrera 5,

E. Bercero 5, Navaja 2, Tarriman 2, Montecalvo 2, Guardiana 2

 SOLITA RED (50) - Hatamosa 8,  Meca 8, Abayon 5, Ricaza 5, Tamayo 4, J. Perez 2, Bejasa 2, Derelon 2,

Cordiñera 2, N. Perez 2, Echavez 2(BANAT PALARO)