Melindo batok Estrada sa flyweight title fight
DAVAO CITY, Philippines - Nahingpit na. Ang ALA Boxing Gym flyweight contender nga si Milan Melindo mohagit sa bag-ong gikoronahan hari nga si Juan Francisco Estrada sa Mexico sa Hulyo 27 didto sa Cotai Arena sa The Venetian Hotel and Resort sa Macau.
"Top Rank Inc. personally informed me that it is official, Milan will fight Estrada for the flyweight titles on July
27 in Macau," matud pa ni ALA Promotions President and CEO Michael Aldeguer. "All is sealed, now it’s up to the
fighters to train and prepare for this fight."
Sila si Melindo ug Estrada pulos mihimo og impresyon sa tagsa-tagsa nila ka sangka didto sa Macau niadtong
Abril 6.
Ang 25-anyos nga si Melindo miiskor og fourth round stoppage batok ni Indonesian Tommy Seran, samtang si
Estrada midaog pinaagi sa "split decision" batok ni Brian Viloria aron koronahan isip bag-ong WBO ug WBA flyweight
champion.
Si Melindo adunay perpektong rekord nga 29-0, 12KOs, samtang si Estrada nga adunay 23-2, 18KOs.
Kasamtangan mibakasyon didto sa ilaha sa Cagayan de Oro City, apan ang walay pildeng ALA boxer mobalik
og ensayo sunod semana aron pangandaman ang labing daku niyang hagit sa iyang career.
Gawas ni Melindo, daku usab og posibilidad nga ang walay pildeng ALA fighter nga si Genesis 'Azukal'
Servania malakip sa naasoy'ng fight card sa Macau. (BANAT NEWS)
- Latest
