Gaisano Capital South Midaog

CEBU, Philippines - Nagsalig ang Gaisano Capital South/UC Webmasters sa katakus ni Fil-Am Alexander Asis ug ni Gerald Ampoon aron

mapukan ang Cebu Landmasters/USC Warriors, 80-74 alang sa ilang unang daog sa Enervon CESAFI Partners' Cup

2013 men's basketball tournament niadtong Martes sa gabii didto sa Cebu Coliseum.

 Si Asis usa sa nakatabang sa maong kadaugan dihang mihimo  siya'g  sagunsong  siyete puntos   sa  fourth

quarter ug ang crucial buzzer-beating three-pointer sa comebacking shooting guard nga si Ampoon maoy nahimong yawi

sa  kadaugan.

 Lakip si  Asis sa third quarter unit alang sa Gaisano Capital diin igo lang siya miiskor og kuwatro puntos sa

kinatibuk-an niyang 11 puntos.

  Ang Gaisano ug Cebu Landmasters nagtabla karon sa standing kauban sa Lion-Tiger Katol/USPF sa

managsama nilang 1-1 win-loss records.

 Naglabaw ang Gaisano Capital, 72-68, apan kalit kining naapsan human sa three-point play ni Victor Rabat sa

Cebu Landmasters, 71-72 sa nahabiling 2:18 sa duwa.

 Sa ilang ball possession, si Ampoon mitusak og  buzzer-beating triple aron  inaton ang ilang labaw, 75-71 sa

katapusang dos minutos ug napun-an pa kini sa basket ni Kido Cabrera alang sa ilang 77-71 bentaha.

 Ang Cebu Landmasters mihulga sa katapusang higayon sa iskor nga 74-77 sa tres ni Ian Ortega kay si Kyle

Misa abtik sab nga mitubag aron ipalayo ang Gaisano Capital gikan sa peligro, 79-74 sa katapusang 10 segundos.

  Si Cabrera maoy nangulo sa Gaisano Capital  pinaagi sa iyang 14 puntos, samtang si Jan Michael Auditor

midugang og 10 puntos.

 Silang Ortega ug Francis Dave Guardario maoy nangu sa Cebu Landmasters nga nagkumboya og 27 puntos ug

si Anthony Guy Romaguera miamot og 10 puntos. (BANAT NEWS)