Pason hari sa 18-under chessfest

CEBU, Philippines -  Ang Sugbuanong si Alan Pason maoy nanghawod sa mga masaarong batan-on sa natad sa ahedres aron

sakmiton ang championship trophy sa Deep Blue 'D Woodpushers Chess Club 18-Under Tournament niadtong Sabado

didto sa Deep Blue Café nga nahimutang sa second level sa SM City-Cebu.

 Nakompleto ni Pason ang 7-round Swiss system competition uban ang 5.5 points aron maangkon ang P1,200

nga ganti.

 Sila si Felix Shaun Balbona ug Mark Balbona mitapos sa usa ka adlaw nga torneyo sa managsamang 5.0

puntos, apan si Felix Shaun maoy miangkon sa  ikaduhang dapit pinaagi sa higher tie-break output.   Si

Felix Shaun mibulsa og P800, samtang si Mark Balbona midawat og P600.

 Sila si John Francis Balbona ug Godfrey Villamor nga parehong mirehistro og 4.5 puntos nakadawat og P400

ug P200 sa ilang pagpahiluna sa ikaupat ug ikalima nga dapit.

 Ang maong kompetisyon gipaluyohan nilang manlalaban Jongjong Melendez ug Ben Harayo. Ang duwa

gidumala ni international arbiter Marvin Ruelan. (BANAT NEWS)