CEBU, Philippines - Ang M. Lhuillier Kwarta Padala-backed Southwestern University (SWU) Cobras mopakita sa ilang labok batok sa mga dekalibreng collegiate teams gikan sa Manila sa ipahigayong 7th Filoil Flying Premier Cup nga mosikad karong Abril 13 didto sa Arena sa San Juan City.
Ang reigning CESAFI men's basketball champion ubos sa bantugang coach Raul 'Yayoy' Alcoseba mosugod sa ilang kampanya batok sa UAAP grandslam champion Ateneo Blue Eagles karong Sabado sa alas-6 sa gabii.
Lain pang mga koponan nga harungon sa Cobras mao ang UE Red Warriors, La Salle Green Archers, San Sebastian Stags, Lyceum Pirates, Letran Knights, EAC Generals ug ang UST Growling Tigers.
"The competition over there in Manila is very tough, there's no doubt about it," matud pa ni team owner Michel J. Lhuillier atol sa press conference kagahapon didto sa Pino Restaurant sa Brgy. Apas, ning siyudad. "But we're not going there to conquer the best Manila teams but to learn from them.
"It's a learning process for us. We're going there to sharpen our skills. This could be our training ground to show that we can get better and stronger as a team. That's our goal," dugang pa sa businessman ug sportsman nga si Lhuillier.
Ang Cobras mao lang ang bugtong provincial team nga gidapit sa pagduwa sa maong prestihiyosong torneyo.
Naglangkob sa Cobras mao sila si Fabrice Siewe, Jabe Bautista, Nilton John Otida, Mark Panerio, Fil-Ams Melvin Holper ug Francis Orgeta, Raymart Ocuno, Mobert Arong, Bernie Bregondo, Darryl Goloran, Justin Aboude, Merbien Didace, Cris Lopez ug John Pajantoy. (BANAT PALARO)