CEBU, Philippines - Determinasyon ug kahinog na sa duwa ang yawi sa Cebu Eastern College (CEC) Dragons pagpukan sa tagsa tagsa nilang kaatbang sa finals sa 10-under ug 12-under categories sa St. Benedict Summer Basketball League.
Ang Dragons mipakita sa ilang kadominante sa duwa batok sa Sacred Heart School-Ateneo de Cebu (SHS-AdC), 35-29 aron tukbon ang 10-under title.
Pirmeng naglabaw ang Dragons sa maong duwa ug wala k ini mohatag og higayon sa SHS-AdC nga makalabaw.
Gitapos sa Dragons ang halftime, 14-10 ug sukad niadto wala na kini molingi pa hangtod naangkon ang says puntos nga kadaugan.
Si Niño Lim maoy topscorer sa Dragons nga mibugwak og 12 puntos, gisundan ni Nico Surdano sa iyang sayes puntos.
Ang Dragons ni coach Rodmark del Rosario midagit sa ikaupat nila nga titulo ning tuiga dihang ang ilang 12- under squad mibuntog sa mas tag-as nga NISSI Academy sa iskor nga 56-40.