CEBU, Philippines - Nanginahanglan pa og overtime ang Dallas Mavericks una sila maka-eskapo gikan sa mga kamot sa Los
Angeles Clippers, 109-102 sa nagpadayong duwa sa National Basketball Association kagahapon didto sa American
Airlines Centre sa Dallas, Texas.
Gipangulohan ni Dirk Nowitzki ang kadaugan pinaagi sa iyang 33 puntos ug siyam ka rebounds.
Miaginod og diyutay ang Mavericks sa maong kadaugan ug nagtabla na karon sila uban sa Utah Jazz sa
ikasiyam nga puwesto sa Western Conference.
Ang Mavs aduna na lay nahabiling 11 ka duwa sa dili pa ang playoff.
Si Chris Paul mihimo og 33 puntos alang sa Clippers, kinsa nakaiskor og kapin sa kuwatro minutos sa overtime
period human makaigo si Paul sa iyang tirada nga naghatag kanila’g labaw sa nahabiling 42 segundos sa dugang singko
minutos.
Nahitabo ang overtime human magtabla ang iskor, 97-all paghuman sa regulation period.
Dili na unta molanat sa overtime ang duwa, apan natawgan og offensive foul si Blake Griffin batok ni Nowitzki
sa nahabiling 0.6 ang oras sa regulation apan wala na sila makahimo’g attempt atol sa pagtingog sa buzzer.
Ang jumpshot ni Nowitzki maoy nakapalabaw og balik sa Dallas, 101-100 ug gikan niadto, misipyat ang
Clippers sa ilang misunod nga pito ka tirada. Ang bugtong nilang puntos gikan kang DeAndre Jordan pinaagi sa free throws
sa katapusang 4:10 sa overtime.
Misuway unta pagtabla ang Clippers, apan airball ang tirada ni Matt Barnes sa iyang bantang kaayong three-
pointer.
Sa lain pang mga duwa, gilubong sa New York Knicks ang Boston Celtics, 100-85 didto sa TD Banknorth
Garden, samtang ang Minnesota Timberwolves milubong sab sa host Detroit Pistons sa iskor nga 105-82. (BANAT NEWS)