Sesante mibaswat sa Canillas

CEBU, Philippines - Naka-ipsot ang Canillas Customs Brokers (CCB) ni team owner Roy Canillas human sila mo-iskor og 62-60 nga kadaugan batok sa Gonzales Broker ni Art Gonzales kaniadtong Sabado sa pagbukas sa 2nd Cebu International Port Users (CIPU) basketball tournament didto sa Cogon Ramos gym, ning dakbayan.

Ang ex-UC  Webmasters   skipper nga   si  Kenneth Kern Sesante maoy nagsalbar ug nahimong bayani  sa  Canillas Brokers  kinsa maoy pioneer  champions sa  CIPU  sa miaging season dihang misulod ang iyang lay-up  sa nahibiling 22 segundos aron makalingkawas ang iyang team kinsa nabiyaan unta og 18 puntos human sa first period, 10-28.

Hinoon daling gipapas sa Canillas ang ilang biya ug tungod sa gipaspason sa bag-ong misulod nga players ubos niining barangayan format, ilang na-apas ang ilang biya ngadto na lang sa sayis puntos, 22-28 atol sa halftime.

Si  Sesante maoy nangu sa Canillas Brokers  sa iyang 15 puntos ug mitampo ang streak shooter   nga si  Ferdie  Sigue og 12 puntos. Wala makaduwa alang sa Canillas kaniadtong Sabado ang ilang power forward nga si Marvin Sillar.

Ang Gonzales Brokers kinsa taud-taud nang nahimong partner sa Canillas sa patigayon sa Customs brokerage, may duha sab ka players nga mi-iskor og double figures nga naglakip sa ilang mainstay nga  si  Alex Pangan kinsa miposa og 13 puntos.

Bisan pa man tuod og nakamaneho  ang Canillas paglabaw og sayis puntos nga maoy ilang labing dakung labaw sa maong duwa, walay bisan asa sa duha ka kampo nga nakakontrolar sa maong duwa.

Sa sayo pa, midaug ang FYA Selection, ang runner-up sa Canillas sa miaging season dihang naka-ipsot sab sila batok sa  Ynah Brokers sa iskor, 76-72.

Bugtong ang kataposang duwa tali sa Petracorta  Brokers batok sa Alin   Brokers maoy daku'g labaw dihang midaug ang Petracorta sa   iskor, 74-56.

Si  Janus Abellana maoy nangu sa FYA  sa iyang 19 puntos samtang sila si Tata Laborte ug playing  coach Noel Medalle midugang og 15 ug 14 puntos, matag usa.

Sa laing bahin, si Takloy  Moral maoy nangu sa Petracorta Brokers  sa iyang 15 puntos samtang ang  defensive gem nga si Reden Villaronza midugang og 13 puntos bisan og igo lang nakatampop og dos puntos ang kanhi presidente sa CCUPA nga si Yoly Cena, didto kini makabatabang sa ilawom dihang mihimo siya'g unom ka rebounds.

Puntos matag usa:

    First Game:

FYA (76)---    Abellana 18, T. Laborte 15, N. Medalle 14, N. Laborte 11, Marata 4, Apuya 3, Cal 3, Trinidad 3, Gornez 3

Ynah (72)---    Allerite 13, Garcia 6, Villarin  6, Niones 6, Manulat 6, Guardario 6, Amistoso 6, Oporto 5, Carmen 4, Peras 4

Second Game:

Canillas (62)---     Sesante 15, Sigue 12, Largosa 8, Manlosa 7, Villa 6, Bensi 6, Diano 2, Belarmino 2, Generalao 2, Neri 2

Gonzales (60)---   Almodial 15, Pangan 13, Gonzales 8, Piape 6, Mompar 6, Castro 5, Pante 3, Llamedo 2, Arroz 2

Third Game:

Petracorta (74)---   Moral 15, Villaronza 13, Pepito 8, Cabaltera 8, Sagario 6, Sagarino 6, Celedonio 4, Cena 2, Petracorta 2

Alin (56)---            Villomo 19, Laurel 8, Barral 8, Lleve 5, Desucatan 5, Alin 4, Lobitana 3, Egpit 2, I. Alin 2