Krusyal nga away ni Boom Boom
CEBU, Philippines - Usa ka krusyal nga away ang giatubang ni ALA Boxing Gym fighter Rey ‘Boom Boom’ Bautista kinsa makigharung sa Mexican knockout artist nga si Josel "El Negro" Ramirez sa Abril 20 didto sa University of Southeastern Philippines (USEP) Gym sa Davao City.
Si ALA Promotions president Michael Aldeguer nagkanayon nga kahigayunan na kini ni Bautista nga ipakita kun andam na ba kini sa laing world title shot sa umaabot.
"For Boom Boom's fight against Ramirez on April 20, we would like to see if he is ready for a title shot," matud pa ni Aldeguer.
Ang garbo sa Candijay, Bohol nga si Bautista unang miaway alang sa world title niadtong tuig 2007, apan napilde siya sa Mexican nga si Daniel Ponce de Leon pinaagi sa first round knockout.
Sukad niadto, ang Filipino boxer naningkamot nga makabangun og anaa siya karon sa eight-fight winning streak diin ang labing uwahi mao ang split decision nga kadaugan batok sa Mehikano nga si Daniel Diaz niadtong miaging tuig didto sa Manila.
Kun ugaling mudaog, si Aldeguer misaad nga hatagan si Bautista og kahigayunan nga moaway alang sa IBF o WBO featherweight title.
Sa supporting bout, si OPBF flyweight champion Rocky "The Road Warrior†Fuentes makigharung sa Mexican nga si Juan "Loquito" Kantunm samtang depensaan ni Arthur Villanueva ang iyang OPBF super flyweight belt batok ni Marco Demecillo.
- Latest
