Enrollment sa Yaw-Yan summer clinic gisugdan

CEBU, Philippines -  Gisugdan na ang enrollment alang sa laing hugna sa summer clinic sa Yaw-Yan ArDigma Martial Arts

Federation nga sugdan sa Abril 1 diha sa 4th floor sa Coast Pacific Downtown Center sa dalan Sanciangko.

 Gikan sa pulong nga "Sayaw ng Kamatayan" (Dance of Death), ang Yaw-Yan nailhan isip usa sa mga orihinal

nga Filipino martial arts nga gimugna ni Grand Master Napoleon 'Nap' A. Fernandez.   Ang maong

matang sa martial arts unang gitudlo niadtong 1972 didto sa Sta. Cruz, Manila.

 Ang Yaw-Yan ArDigma usa ka all out martial arts nga mogamit sa lawas isip hinagiban ug motudlo sa mga

tinun-an og saktong paggamit sa sukmag, patid, siko, tuhod ug ground fighting isip self defense.

 "Gawas nga makat-on sila og self defense gamit ang Yaw-Yan, ang mga musalmot sa summer clinic ilabi na

kadtong mga batan-on mahatagan usab og lingaw karong panahon sa bakasyon nga mupalayo kanila sa mga illegal nga

bisyu," matud pa ni Master Benigno 'Ekin' R. Caniga Jr., CEO ug founder sa Yaw-Yan ArDigma Cebu.

 Lakip usab sa mga kurso nga pilian mao ang arnis, boxing, fitness, Yaw-Yan ArDigma System ug Mixed

Martial Arts (MMA).

 Alang sa dugang mga kasayoran, mahimong mobisita sa Yaw-Yan Gym o motawag sa numero 09065120888,

09198215582 or 09324524999. (BANAT NEWS)