CEBU, Philippines - Sa tuyo nga masanta ang ilang demalas, ang Global Port Batang Pier moparada og bag-ong import nga si
Walter Sharpe sa ilang duwa batok sa Air21 Express karong adlawa sa pagpadayon sa elimination round sa 2013 PBA
Commissioner’s Cup.
Ang duwa sugdan sa alas-4 sa hapon didto sa Smart Araneta Coliseum.
Ang Global Port ni coach Junel Baculi wala makontento sa una nilang import nga si Justin Williams ug ang
sunod-sunod nilang pilde nakaaghat sa koponan pag-ilis og import.
Usa sa ilang nakitang rason pagbag-o og import mao ang kahuyang ni Williams.
Ning higayona, si Baculi naglaum si Sharpe nga mopakita'g maayong labok aron mabalik ang ilang koponan
isip usa ka playoff contender.
Ang 6-foot-9 nga si Sharpe miduwa kaniadto sa Detroit Pistons, Denver Nuggets ug Milwaukee Bucks sa
wala pa siya miduwa sa New Mexico Thunderbirds sa NBA D-League sa miaging tuig. (BANAT NEWS)